Текст песни Бек Борбиев "Ата-Журт"

Ар бир күнүң улар сайрап таң аткан,

Көркүң сенин кандай чебер жараткан?

Касиеттүү мага кубат тоолоруң,

Чексиздикте кербен болуп бараткан.

Кайырма:

Мөлтүр булак, мөл башат,

Өзөнү, токой, көл, кашат.

Менин сүйүүм, ар бир күнүм,

Баары сенден башталат.

Өзүң бакыт, өзүң кут,

Кагылам сенден Ата-Журт,

Мага дүйнө алгач сенден башталат.

Аталардан калган тарых тутамы,

Кымбат мага ар бир арча бутагы.

Ташка бышып, тоодон түшкөн дайранын,

Токтогулдун күүлөрүндөй мукамы.

Кайырма:

Карааныңдан кагылайын мекеним,

Унутканбы, сагынбайт го дебегин.

Сезесиңби, жүрсөм дагы алыста,

Жан дүйнөмдүн сага кайтып келээрин?

Кайырма:

Пейилиң бийик аска зоо,

Атыңдан сенин, Ала-Тоо.

Менин сүйүүм, ар бир күнүм,

Баары сенден башталат.

Өзүң бакыт, өзүң кут,

Кагылам сенден Ата-Журт,

Мага дүйнө алгач сенден башталат...